Круглы стол па прасоўванні прадукцыі школьных бізнес-кампаній правёў ТАА «Бізнес цэнтр саюз партнёр» у сярэдняй школе №11. У мерапрыемстве ўдзельнічалі больш за 30 намеснікаў дырэктараў школ горада і раёна па выхаваўчай рабоце, прадстаўнікі аддзелаў адукацыі, спорту і турызму, ідэалагічнай работы, культуры і па справах моладзі Маладзечанскага райвыканкама, а таксама валанцёры мясцовага дабрачыннага фонду «Спадчына Міхала Клеафаса Агінскага».

Директор бизнес-центра Владимир Сивухо, а также менеджеры ООО Ольга Устинович, Ольга Финская и Ольга Белявская познакомили присутствующих с перспективами развиться школьных бизнес-компаний. Дырэктар бізнэс-цэнтра, намеснік старшыні Мінскага сталічнага саюза прадпрымальнікаў і работадаўцаў Уладзімір Сівуха расказаў прысутным пра магчымасці, якія ў 250 год з Дня нараджэння Міхала Клеафаса Агінскага адкрываюцца перад школьнымі бізнес-кампаніямі.
Па яго словах, установам адукацыі Маладзечаншчыны трэба пераняць вопыт іншых краін. Там на ўроках прыкладнога мастацтва і гуртках па інтарэсах дзеці вырабляюць сувеніры, прысвечаныя выдатным мясцінам і славутым ураджэнцам свайго рэгіёну. І прадукцыя гэта карыстаецца вялікім попытам. Толькі ў Аўстрыі маладзёжныя бізнес-кампаніі і прыватныя прадпрыемствы ў год выпускаюць сувеніраў з выявай Моцарта больш чым на 100 мільёнаў еўра. На Маладзечаншчыне ж можна паспяхова «раскручваць» вобраз аўтара паланеза «Развітанне з Радзімай».
- Вырабы школьных бізнес-кампаній крэатыўныя і вельмі якасныя, - зазначыла каардынатар праектаў таварыства Вольга Усціновіч. – Аднак школьнікам не хапае вопыту і магчымасці рэкламаваць і прадаваць сваю прадукцыю. Бізнес-цэнтр якраз і бярэцца дапамагчы ў гэтым. Прычым, купіць зробленыя на Маладзечаншчыне сувеніры можна будзе і за межамі Беларусі. Гэта прадугледжвае праграма «Сябруем школамі», якую сумесна рэалізуюць бізнес-цэнтр і дабрачынны фонд. Дзякуючы ёй, жыхары іншых краінах больш даведаюцца пра нашу дзяржаву і Маладзечанскі раён.

Сярод іншага, школам і бізнес-кампаніям было прапанавана прыняць удзел у дабрачынных акцыях па папулярызацыі спадчыны роду Агінскіх, правесці адпаведныя конкурсы і віктарыны, а таксама наведаць мясціны, звязаныя з жыццём і творчасцю аўтара паланеза «Развітанне з Радзімай».  
Паводле слоў Вольгі Усціновіч, бізнес-цэнтр таксама арганізуе для школьнікаў экскурсіі на найбольш паспяховыя прадпрыемствы горада і раёна. Такі вопыт у ТАА ёсць. Як паказвае практыка, падобная форма работы дапамагае моладзі лепш арыентавацца пры выбары прафесіі, а кіраўнікам суб'ектаў гаспадарання – дазваляе пазнаёміцца са сваімі патэнцыяльнымі работнікамі.              
Як адзначылі загадчыца сектара культуры аддзела ідэалагічнай работы, культуры і па справах моладзі райвыканкама Тамара Дудзіч, мастак Мікола Аўчыннікаў, педагог і экскурсавод Галіна Дрокіна і іншыя, да дзейнасці школьных бізнес-кампаній больш актыўна трэба прыцягваць бацькоў вучняў. Самім жа кампаніям неабходна арыентавацца на беларускія народныя традыцыі. Гэта паспрыяе патрыятычнаму выхаванню моладзі і павысіць нацыянальную самасвядомасць юных беларусаў.
Алег БЯГАНСКІ.
Фота Аляксея ПЛАТКО.
http://www.mgazeta.by/Ekonomika-i-biznes/Prodvinut-produktciiu-shkolnykh-biznes-kompanii-pomogut-vzroslye-predstaviteli-biznesa