В Молодечно наметили перспективы сотрудничества Молодечно и эстонского Пярну
09.11.2014 03:00

Надзвычайны і Паўнамоцны Пасол Эстоніі ў Рэспубліцы Беларусь Маіт Марцінсан разам з прадстаўнікамі культуры, турыстычнага бізнесу і грамадскімі дзеячамі ўпершыню пабываў у Маладзечне.
Мастачка Ціна Аястэ, пасол Маіт Марцінсан і прэзідэнт міжнароднага конкурсу маладых вакалістаў імя Клаўдзіі Таэ Томас Кутэр.
-- Мне вельмі падабаецца Беларусь і беларускі народ, а ад Маладзечна я проста ў захапленні. Асабліва ўражвае культурны патэнцыял вашага горада, - заявіў Надзвычайны і Паўнамоцны Пасол Эстоніі ў нашай краіне Маіт Марцінсан.
Дыпламат прыехаў у Маладзечна, каб прыняць удзел у вечары беларуска-эстонскага сяброўства. Мерапрыемства праходзіла ў музычным каледжы імя Міхала Клеафаса Агінскага.
Была адкрыта выстава эстонскай мастачкі Ціты Аястэ. Яна асабіста прэзентавала свае працы.
У склад эстонскай дэлегацыі ўваходзілі прадстаўнікі культуры, турыстычнага бізнесу і грамадскія дзеячы.


Сем гадоў партнёрскія сувязі падтрымліваюць Маладзечанскі музычны каледж і творчыя калектывы Пярну. За гэты час маладзечанскія выканаўцы выступілі ў лепшых канцэртных залах Эстоніі, былі рэалізаваныя многія сумесныя культурныя праекты.

Намеснік старшыні райвыканкама Людміла Канановіч адзначыла, што Маладзечаншчына валодае вялікім турыстычным, адукацыйным і эканамічным патэнцыялам і зацікаўлена ва ўстанаўленні партнёрства з рэгіёнамі іншых краін. Таму Маладзечна і Пярну абавязкова падпішуць адпаведнае пагадненне.
Сярод найбольш перспектыўных сфер супрацоўніцтва – турызм, аграпрамысловы комплекс і інфармацыйныя тэхналогіі.
На канцэрце гучалі творы беларускіх і эстонскіх кампазітараў.
Чытайце матэрыял Алега Бяганскага ў адным з наступных нумароў «МГ».
Фота Аляксяе ПЛАТКО.
http://www.mgazeta.by/God-gostepriimstva/V-Molodechno-nametili-perspektivy-sotrudnichestva-Molodechno-i-estonskogo-Piarnu