У Маладзечне запрацуе адзіная дыспетчарская служба па агратурызму, якая дазволіць напоўніць патокам турыстаў месцы, звязаныя з жыццём і дзейнасцю Міхала Клеафаса Агінскага і ўсяго роду Агінскіх. Але дзеля гэтага патрабуецца каардынацыя працы як дзяржаўных органаў, так і прыватнай ініцыятывы.

Менавіта тэме каардынацыі сумесных дзеянняў дзеля далейшага развіцця агратурызму на Маладзечаншчыне і была прысвечана размова ў аддзеле фізічнай культуры, спорта і турызма Маладзечанскага райвыканкама. Сустрэча адбылася па іныцыятыве гаспадароў аграсядзіб раёна і прайшла з удзелам начальніка аддзела фізічнай культуры, спорта і турызма Мікалая Ўладзіміравіча Шрымфа, галоўнага спецыяліста Аляксандра Мікалаевіча Туронка, старшыні савета па агратурызму Аляксандра Іванавіча Рашэтнікава, 1-га віцэ-старшыні Мінскага сталічнага саюза прадпрымальнікаў і працадаўцаў Уладзіміра Леанідавіча Сівухі, дырэктара ТАА “Успешнострой” Ігара Леанідавіча Ржачыцкага, прадпрымальніка Руслана Аляксандравіча Кісялёва.

Праца па захаванню і папулярызацыі спадчыны М-Кл. Агінскага і роду Агінскіх немагчыма без удзелу мастацкай супольнасці. Тым больш, што назіраецца яўны недахоп менавіта твораў выяўленчага мастацтва, якія б грунтоўна і яскрава раскрывалі тэму. Таму вельмі добра, што такія людзі як кіраўнік народнай студыі дэкаратыўна-прыкладнога і выяўленчага мастацтва Галіна Аляксандраўна Сушко далучаецца да працы мясцовага дабрачыннага фонду “Паўночныя Афіны”.

У гэтыя дні ў фае трэцяга паверха Палаца культуры г. Маладзечна працуе справаздачная выстава выхаванцаў студыі. Тут дзіцячая фантазія сапраўды не мае межаў. Таму і працаваць з юнымі талентамі – вялікая адказнасць і педагагічнае майстэрства.

Распавядае Галіна Аляксандраўна:

Дар’я Атрошанка – вучаніца 4 “А” класа  гімназіі №10 г. Маладзечна разам з чатырма другімі юнымі выканаўцамі выйшла ў фінал дзіцячага конкурса “Еўрабачанне - 2011” па Беларусі. Віншуем юную маладзечанку з поспехам і просім крышачку распавесці аб ёй і аб конкурсе яе маму, кіраўніка паэтычнага аб’яднання “Агмень” пры Палацы культуры г. Маладзечна, паэтэсу і выканаўцу, актывіста мясцовага дабрачыннага фонда “Паўночныя Афіны”  Таццяну Атрошанка:

-         Даша, акрамя паспяховай вучобы ў школе, наведвае яшчэ і дзіцячую музычную школу па класу фартэпіяна, займаецца ва ўзорнай эстраднай студыі ”Спяваем разам”. Дзяўчынка яна жывая, творчая, заўсёды імкнецца дабавіць сваю нотку ў працэс навучання. Бывае, што выконваючы хатняе заданне, Даша пачынае імправізаваць, паказваць творчы падыход,  можа выканаць сваю варыяцыю музычнага твора.

-         “Еўрабачанне -2011” – гэта яе першы конкурс?

-         Не. Дзяўчынка ўжо мае некаторы вопыт удзелу ў конкурсах. У гэтым годзе яна стала дыпламантам “Маладзічка”, былі і іншыя выступленні.

Ужо больш за год развіваецца праект «Эпоха князя Міхала Клеафаса», распачаты Моладзевым грамадскім аб'яднаннем «Гісторыка».  І амаль увесь гэты час доўжыцца міжнароднае супрацоўніцтва МГА «Гісторыка» з Музеем гісторыі і культуры імя князёў Агінскіх (Рэтавас, Літва). Сапраўды некалькі былых маёнткаў цяпер ужо вядомага нам Міхала Клеафаса Агінскага знаходзяцца на тэрыторыі сучаснай Літвы. А ягоныя сын (Ірэнэуш Клеафас) і ўнукі (Багдан і Міхал) зрабілі мястэчкі Рэтаў і Плунгяны знакамітымі ў ХІХ ст. асяродкамі культуры.

Але зараз у Беларусі пра тыя мясціны і падзеі амаль нічога невядома. Таму не выпадкова, што шлях свой удзельнікі праекту «Супольная спадчына: род Агінскіх» скіравалі менавіта ў гэтыя мясціны. Мясціны незвычайныя для нас, бо гэта тая самая далёкая Жамойць, пра якую столькі згадак у нашай гісторыі.