Новости
Агінскі: высокі строй музычнага аматарства PDF Печать
22.09.2015 00:00

25 верасня 2015 года сусветная грамадскасць адзначыць 250-годдзе Міхала Клеафаса Агінскага, вядомага ў Рэчы Паспалітай і Расійскай імперыі дыпламата і палітычнага дзеяча.
Але ў гісторыі еўрапейскай культуры ён застаўся перш за ўсё цудоўным кампазітарам, аўтарам рамансаў і інструментальных твораў, якія і сёння з задавальненнем слухаюць і выконваюць як прафесіяналы, так і аматары музычнага мастацтва ўсяго свету. Маладзечанцы могуць ганарыцца тым, што жыццё і творчасць Міхала Клеафаса былі непарыўна звязаны з нашай зямлёй. Ганарыцца і імкнуцца як мага больш ведаць пра гэтага таленавітага музыканта і яго творчасць.
Прадстаўнік старажытнага роду Міхал Клеафас Агінскі (1765-1833) яшчэ пры жыцці набыў шырокую еўрапейскую вядомасць як кампазітар, хоць сам лічыў сябе музыкантам-аматарам.
Фарміраванне і развіццё яго музычнай творчасці адбывалася на мяжы ХVІІІ і ХІХ стагоддзяў і стала своеасаблівым мастком, які злучыў класічную і рамантычную эпохі ў музычнай культуры краю. Нашчадак знакамітага на прасторах былога Вялікага Княства Літоўскага шляхецкага роду, чые прадстаўнікі на працягу стагоддзяў праславіліся асветніцтвам, схільнасцю да прыгожага мастацтва, Міхал Клеафас стаў самым таленавітым з Агінскіх. Застаўшыся музыкантам-аматарам, ён дасягнуў высокага прафесіяналізму і ў сваёй творчасці выйшаў далёка за межы аматарства, працягваючы традыцыі мінулага і сучаснага яму мастацтва і адкрываючы шляхі ў будучыню.

Подробнее...
 
Вяртанне Агінскага PDF Печать
13.09.2015 00:00

25 верасня спаўняецца 250 гадоў з дня нараджэння кампазітара, дыпламата, палітычнага дзеяча Міхала Клеафаса Агінскага, чый лёс непарыўна звязаны са Смаргоншчынай. Тры пытанні «Звязды» — да намесніка старшыні Смаргонскага райвыканкама Генадзя БЫЧКО.
— Нядаўна адноўлены сядзібны дом Агінскіх у Залессі. Што робіцца па выкарыстанні яго культурнага і турыстычнага патэнцыялу?
— Рашэннем Смаргонскага раённага выканаўчага камітэта мы стварылі дзяржаўную гісторыка-культурную ўстанову «Музей-сядзіба М.К. Агінскага», а пад навуковым кіраўніцтвам дырэктара Дзяржаўнага музея гісторыі тэатральнай і музычнай культуры Беларусі Зінаіды Кучар распрацавалі канцэпцыю музеефікацыі сядзібы.

Подробнее...
 
Таямніцы сямейных камянёў PDF Печать
13.09.2015 00:00

ДЗЯРЖАЎНЫ дзеяч і мемуарыст, дыпламат і кампазітар, набліжаны да ўлады і змагар, улюбёнец лёсу і выгнаннік. Але перад усім аўтар знакамітага «Развітання з Радзімай». Можна нават не называць прозвішча, бо больш-менш адукаваны чалавек яго ведае. Цяперашні год, калі адзначаецца двухсотпяцідзесяцігоддзе з дня нараджэння Міхала Клеафаса Агінскага, аб’яўлены UNESCO годам гэтай слыннай асобы.
ДОЎГІ час «Развітанне з Радзімай» лічылі творам польскага кампазітара. Менавіта так яго аб’явілі на Усесаюзным радыё ў 1959 годзе, калі ля мінор упершыню прагучаў у эфіры. Дарэчы, пасля некаторага перыяду халодных адносін СССР і Польшчы гэта быў знак збліжэння дзвюх дзяржаў. Партыйныя куратары культуры зрабілі вельмі вывераны крок: нішто так не збліжае, як музыка. Значна пазней мы, беларусы, задумаліся, што аўтар і яго неўміручы музычны шэдэўр могуць належаць і нашай культуры, як-ніяк карані роду Агінскіх на Беларусі. Некалі нашчадкі князёў мелі самае што ні на ёсць простае беларускае прозвішча Глушонак. Запісалі кампазітара ў свае славутасці і літоўцы. Расіяне таксама могуць лічыць сваім, бо сенатар Агінскі спрычыніўся да палітычнай дзейнасці менавіта ў Расійскай імперыі. На самай справе яго багатая культурная і духоўная спадчына належыць усім. Варта толькі не пераставаць адшукваць яе, папулярызаваць, таму што за смугой двух стагоддзяў застаецца яшчэ шмат таямніц. Такую мэту ставіць і дабрачынны фонд «Спадчына М. К. Агінскага», заснавальнікі якога — дырэктар Маладзечанскага дзяржаўнага музычнага каледжа імя М. К. Агінскага заслужаны дзеяч культуры Рэспублікі Беларусь Рыгор Сарока і першы віцэ-старшыня Мінскага сталічнага саюза прадпрымальнікаў і работадаўцаў Уладзімір Сівуха. Папярэднічаў яму фонд «Паўночныя Афіны», узгадвае Рыгор Сямёнавіч:

Подробнее...
 
Рыгор Сарока паставіў другі помнік Агінскаму PDF Печать
13.09.2015 00:00

Трэцяя прэм’ера оперы “Міхал Клеафас Агінскі. Невядомы партрэт” пройдзе ў дзень яго нараджэння – 25 верасня. Першая прэм’ера прайшла 12 снежня ў Палацы культуры. Другая – праз два дні.
– Як я сябе магу адчуваць? Пры двух аншлагах, бітком набітых залах? – дзеліцца ўражаннямі Рыгор Сарока, галоўны дырыжор сімфанічнага аркестра Маладзечанскага музычнага каледжа імя Агінскага, мастацкі кіраўнік праекта пастаноўкі оперы. – Хто яшчэ можа ў Маладзечне запоўніць дзве залы?
У пастаноўцы браў удзел Маладзечанскі моладзевы музычны народны тэатр. Дарэчы, яго заснавалі яшчэ ў 2007 годзе пры каледжы. Кампазітар – Алег Залётнеў.
– Сёння ў нашым горадзе папса можа сабраць 200, 300 чалавек, але каб аншлаг? Гэта вялікі поспех, – лічыць спадар Рыгор. – І я шчаслівы. Шчаслівы, што падняў такую глыбу, што зрабіў горад оперным.

Подробнее...
 
Опера “Міхал Клеафас Агінскі. Невядомы партрэт” PDF Печать
13.09.2015 00:00

25 верасня на сцэне канцэртнай залы Палаца культуры г. Маладзечна оперу “Міхал Клеафас Агінскі. Невядомы партрэт”, кампазітара Алега Залётнева, прадставіць Маладзечанскі маладзёжны музычны народны тэатр.
Дзеянне оперы, якая напісана да 250-годдзя са дня нараджэння Агінскага, разгортваецца ў маёнтку Залессе, дзе Агінскі збірае гасцей на баль, а ў выніку прымае рашэнне пакінуць Радзіму з разбітым сэрцам .У цэнтры сюжэта аказваюцца адносіны паміж князем, яго пляменнікам Юзэфам Лубенскім і італьянскай спявачкай Катрынай Боні, на ўвагу якой прэтэндуюць абодва мужчыны.
Паралельна развіваецца іншая любоўная лінія − паміж жонкай Міхала Клеафаса Марыяй і мастаком Янам Шыманскім, якога запрасілі, каб напісаць партрэт князя.
Думкамі пра Радзіму, вернасцю, адданасцю, абавязкам прасякнуты многія сцэны пастаноўкі.
Мастацкім кіраўніком праекта пастаноўкі оперы з'яўляецца заслужаны дзеяч культуры Беларусі Рыгор Сарока − галоўны дырыжор сімфанічнага аркестра Маладзечанскага музычнага каледжа імя М.Агінскага. Лібрэта і рэжысёр-пастаноўшчык − Сяргей Макарэй. Хормайстар − Вера Каханоўская. Балетмайстар − Аляксандр Драгаміраў.
У галоўнай ролі саліст фларэнтыйскага тэатра “Камунале” − Уладзімір Александровіч.
Пачатак у 19.00. Кошт білетаў: 120 тыс.рублёў
Даведкі па тэлефонах: 8(0176) 75-27-84, 8 (0176) 15-14-34
Билеты: 120 тыс.рублёў.
Бiлеты - www.kvitki.by/ru/buy/27654#plan

 
« ПерваяПредыдущая12345678910СледующаяПоследняя »

Страница 4 из 39